Granxas Lousada

HORTA E GANDERÍA ECOLÓXICA

Sergio Boado e Dolores Iglesias son dous emprendedores rurais. El ven da construción e ela do sector téxtil. Por mor da crise lanzáronse a un Proxecto de produción ecolóxica e de venda directa ao consumidor.

Non empezaron de cero, Dolores ven dunha familia que tiña unha explotación de vacas leiteiras e eles reconvertérona na actual granxa de produción ecolóxica.

Teñen unha superficie en monte de 30 hectáreas e recuperaron terra arable.
O terreo está xestionado baixo criterios ecolóxicos, no que se trata tamén de recuperar tanto prados de pasto como bosques.
A diversificación da produción é unha das características máis singulares da granxa, tratan que a familia que lle merque poida levar de todo, ofrecéndolles produtos de horta, pero tamén xatos, cordeiros e porcos, todo con certificación ecolóxica.

Sergio, un carpinteiro reconvertido en granxeiro é o que se ocupa dos animais e da horta, mentres Dolores vai ao mercado de Betanzos 3 días por semana a vender a colleita recollida o día anterior.

O obxectivo fundamental en Granxas de Lousada é o respecto pola natureza e o bo trato dos animais.

 

 

 

Mostrando tódolos 3 resultados

Mostrando tódolos 3 resultados